Қостанай облысында Бағаналы ауылының тұғрындарын эвакуациялау шаралары басталды, - деп хабарлайды Alashainasy.kz. Бұл туралы Sputnik Қазақстан тілшісі облыстық төтенше жағдайлар депаратментіне сілтеме жасап жазды.
Ресми мәліметке сәйкес, қазіргі кезде орман өрті Бағаналы ауылына қауіп төндіріп тұр. Осыған байланысты құтқарушылар күш пен құрылымдарын қайта топтастыруға кірісті.
"Желдің күшеюіне байланысты орман өрті Бағаналы ауылына ауысады деген қауіп бар. Жергілікті атқарушы орган ауыл тұрғындарын Қазанбасы ауылына эвакуациялауды бастады", - дейді департамент мамандары.
Қазіргі кезде Бағаналы ауылына қосымша техника тартылды. Жалпы, Қостанай облысындағы орман өртін өшіруге 224 техника мен 2 мыңнан астам адам тартылып отыр. Алты тіұшақ пен бір ұшақ бар. Бұдан бөлек, бес өрт сөндіру пойызы су тілсіз жаумен күресіп жүр.
Олардың ішінде төтенше жағдайлар министрлі, ұлттық ұлан мен жергілікті әкімдіктің мамандары бар. Үш тікұшақ та бар.