Ақшиде жаңа дәрігерлік амбулатория ашылды
Облыс әкімінің тікелей тапсырмасымен жергілікті бюджет есебінен Алакөл ауданына қарасты Ақши елді-мекенінде жаңа заманауи дәрігерлік амбулатория салу туралы шешім қабылданған еді. Бүгінгі күні сол тапсырма іске асып, ауылда жаңа денсаулық сақтау мекемесі пайдалануға берілді, - деп хабарлайды Алматы облысы әкімінің баспасөз қызметінен.
Нысанның салтанатты ашылуында Алакөл ауданының әкімі Әлібек Жақанбаев құттықтау сөз сөйледі. Сонымен қатар Ырғайты ауылдық округінің Ақсақалдар кеңесінің төрағасы, Алакөл ауданының Құрметті азаматы Әнуарбек Әзімханов та көпшілікке өзінің жүрек жарды ізгі тілектерін білдіріп, ақ батасын берді.
Жаңа ауылдық дәрігерлік амбулаторияда соңғы үлгідегі заманауи медициналық қондырғылар орнатылған. Мұнда науқастар мен медициналық көмекке жүгінген азаматтарға сапалы амбулаториялық көмек көрсету үшін барлық қажеттіліктер қарастырылған.
Ауылдық амбулатория құрылысына жергілікті бюджеттен 163,9 млн. теңге бөлінді. Жұмыстарды «ЭЛМ» ЖШС жүргізді.
Алматы облысы әкімінің баспасөз қызметі
