Түркістанда екі жүк көлігі соқтығысты
Бүгін Түркістан қаласында ауыр жүк көліктерінің қатысуымен жол көлік оқиғасы орын алды. Бұл туралы Түркістан облысы ПД-не сілтеме жасаған jasqazaq.kz тілші жазды, - деп хабарлайды Alashainasy.kz тілшісі.
Полицейлердің анықтауы бойынша Түркістан облысы Сауран ауданы аумағында Шымкент-Самара тас жолының 135 шақырымында бір бағытта кетіп бара жатқан «Рено Магнум» маркалы кран мен «Вольво» маркалы жүк көлігі соқтығысқан.
Яғни 25 тонналық «Рено Магнум» ауыр жүк көлігінің соңынан келе жатқан Ресейлік «Вольво» жүк көлігінің жүргізушісі қалғып кетіп, «Рено Магнум» жүк көлігінің артынан келіп соққан. Салдарынан кран аударылып кеткен.
Жақын маңда жүрген Түркістан облысының патрульдік полицейлері бірден оқиға орнына жетіп, жүргізушілерге көмектесті. Яғни хал-жағдайын біліп, оларды қауіпсіз жерге алып шықты.
Ресей нөмірлі Вольво маркалы жүк көлігінің ішінде Ресей Федерациясының жүргізушісі болған.
Екі ауыр жүк көлігінің жүргізушілері зардап шекпеген, тек көліктерге материалдық шығын келген.
Бүгінгі таңда аталған жол-көлік оқиғасы бойынша Сауран аудандық полиция бөлімінің полицейлерімен тексеру жұмыстары жүргізілуде. Анықтаушылар оқиғаның толық мәнжайы анықтауда.
Аударылған көлік жол жиегіне шығарылып, жол жүру бағыты ашылды. Түркістан облысының полицейлері жолдарда қоғамдық қауіпсіздікті қамтамасыз етуде.
Осы ретте Түркістан облысының полицейлері барша көлік жүргізушілеріне ескертеді, әрдайым жол қозғалысы мен қауіпсіздік ережелерін сақтаңыздар! Бұл өзіңіздің де өзгенің де қауіпсіздігі үшін маңызды!
<iframe loading="lazy" style="border: none; overflow: hidden;" src="https://www.facebook.com/plugins/video.php?height=420&href=https%3A%2F%2Fwww.facebook.com%2F100013970926392%2Fvideos%2F3179904838944578%2F&show_text=false&width=560&t=0" width="560" height="420" frameborder="0" scrolling="no" allowfullscreen="allowfullscreen" data-rocket-lazyload="fitvidscompatible" data-lazy-src="https://www.facebook.com/plugins/video.php?height=420&href=https%3A%2F%2Fwww.facebook.com%2F100013970926392%2Fvideos%2F3179904838944578%2F&show_text=false&width=560&t=0" class="lazyloaded" data-was-processed="true"></iframe>
