Қазақтың ашамай дейтін ері. Баланың буынына күш бітіп, аяғын басқан 5-6 жасында әкесі ашамайды салып, ұлын атқа мінгізген. Аттан ауып қалмас үшін аяғын ана дорбаға салып, арқанмен байлаған. Кейін жылқыға үйренген бала тайды өзі-ақ тақымдайтын болған. Осылайша он үш жасында қазақ ұланы аттың құлағында ойнайтын дәрежеге жеткен. "Он үштегі отау иесі" деген сөз осы кезден қалса керек. Бекарыс Нұриманов бір қызық ұсыныс айтты. Ұлтымыздың өнегесіне қарап отырсаң, ең алғашқы автокреслоны қазақтар ойлап тауыпты. Енді оның басқа баламасын іздемей, ашамай деп атасақ та әбден болады екен...
Жолымбет Мәкішев