Өмірге өкпелі жас жігітке қайдағы бір "Иттің құлы итақай" зекісе не болады?
Шымкент көшелерінде қоғамдық тәртіпті сақтайтын әлдебір ерікті жастар жүр екен деген әңгіме шығып жатыр..
Қала жастарының да, ауыл жастарының да мінез-құлықтарын бір кісідей білетін адам ретінде айтарым..
КСРО тұсында халық жасақшылары құрамында қаланы талай аралағанбыз.
КСРО халқы одан мәдениетті болып кеткен жоқ..
Интернеттегі фотолардан байқағаным, мынау еріктілер жастармен жұмыс жүргізуге дайындықтан өтпек түгілі, мемлекеттік тілді білетін жастарға ұқсамайды. Қоғамдық тәртіпті тек білек күшімен орната алмайсың..
Кезінде колхоз-совхоз ыдырағанда пайға алған жерінен біреу аңқаулықтан, біреу жалқаулықтан айырылып қалғанын білесіздер. Қазір сол азаматтардың балалары өсті. Олардың көпшілігі ауылдан да, қаладан да орын таппай жүр...
"Аш бала тоқ баламен ойнамайды"..
Төбелестің бәрі "боқ жемеден" басталатынын білесіздер..
Енді сол ауылдан келіп базарда арба итеріп немесе құлбазар жағалап жүрген өмірге өкпелі жас жігітті қайдағы бір "Иттің құлы итақай" зекісе не болады?
Әркім өз шаруасымен айналыссын...
Ертең опық жеп қалмас үшін мынау "еріктілерді" тоқтатқан жөн.
Өмір Шыныбекұлы
Фейсбуктегі парақшасынан
