Мұндай нәрсені айтардан бұрын он рет ойланып алу керек қой
Түсінен шошып оянғандай болып, өзбек, ұйғыр, тәжік мектептерін жабу керек деп аттандап жатқан әлгі депутаттың есі дұрыс емес қой деймін. Осылардың өзбекке, ұйғыр мен тәжікке ғана күйі келетін сияқты. Өзбек, ұйғыр, тәжік мектептері соншалықты көп емес те бізде. Өзбекстанда қазақ мектебінен аяқ алып жүре алмайсың. Егер біз ол мектептерді жапсақ, олар да қырсығып өздеріндегі қазақ мектептерін жаба бастауы мүмкін. Мұндай нәрсені айтардан бұрын он рет ойланып алу керек қой. Өзбектің, ұйғырдың, тәжіктің мектебінде қазақ балалары оқымайды сосын. Бізге ең үлкен қауіп - орыс мектептері мен аралас мектептерден келіп жатыр. Бұларда оқитындардың 70 пайызы қазақ балалары. Өзімізді өзіміз қолдан мәңгүрттеп жатырмыз. Осы мектептерді бірінші жабу керек. Онда да алдымен аралас мектептен бастап, оларды біртіндеп қазақ мектебіне айналдыра бастауымыз керек. Ресейде бір қазақ мектебі жоқ екен. Олар 20 қазақ мектебін ашсын, біз де сонша орыс мектебін қалдырайық. Бізде осы баланс бұзылған. «Көрмес түйені де көрмес» демекші, аяғының астындағы проблеманы көрмейді де, содан айдалаға кеп айғайлайды!
Жолымбет Мәкіш
Фейсбуктегі парақшасынан
