Ақтөбеде поролон шығаратын зауыт ашылды

Ақтөбеде поролон шығаратын жаңа зауыт ашылды. Бұған дейін батыс аймақта поролон өндірісі  болған емес. Зауыттың қуаты  жылына 10 мың текше метр өнім шығаруға жетеді. 
Зауыт шығаратын 10 мың текше  метр  өнімге  ақтөбелік жиһаз жасаушылар осы бастан тапсырыс беріп қойған. Көбікті по­ли­мер  яғни, поролон  жұмсақ жиһаз ғана емес, ойыншық өндірісінде де таптырмас материал.
Жаңа  зауыттың тағы бір артықшылығы – қалдықсыз  жұмыс істейді. Құны  82 млн теңгелік бұл жоба индустириялық-иннова­циялық  даму бағдарламасы аясында жү­зе­ге асырылған.
«Южпромснаб» серіктестігінің  директо­ры  Светлана Зоткина: «Поролон өндірісіне қажетті  химиялық қоспаларды   Ресейден са­тып  алмақшымыз. Өйткені елімізде  хи­мия өндірісі  тұралап тұр. Қондырғыларымыз да Ресейде  шығарылған»,  – дейді. Зама­науи  тех­нология  қол күшін аса қажет етпейді. Со­н­­­­­дықтан  жаңа  зауытқа небәрі он адам ғана жұмысқа алынды. Өндіріске  жұмсал­ған қаржы екі жылда  толық  қайтарылуы тиіс.
Ақтөбеде  биыл  индустриялық-инно­вация­лық даму бағдарламасы аясында 19 ж­о­­­­ба қолға алынған болатын. Бүгінге де­йін со­­ның  10-ы іске қосылды. Поролон па­рақ­­ша­ла­рын шығаратын зауыт соның бірі.