Жастар арасында бәсекелестік күшейді

Күрес түрлерінен Өскеменде өткен жастар арасындағы Қазақ­стан чемпионатының еркін күрес бал­уандары арасындағы бел­­де­сулері нәти­желерін жария­ла­ған­быз. Енді әйелдер күресі мен грек-рим күресі шеберлеріне тоқтала кетсек.
Әйелдер күресіндегі белдесулер аса қы­зықты өтті. Осы күрес түрі жақсы дамы­ған аймақтардан келген арулар бозкілем көрігін қыздырды. Жасөспірімдер арасында әлем чемпионы болған Екатерина Ларионова да белдесіп, қарсылас шақ келтірмей, ел чемпионы атанды. Ал қалған сал­мақтарда Ирина Борисова (44 келі), Ай­дана Өтеғұлова (48 келі), Кристина Яло­венко (51 келі), Аймангүл Төлеухан (55 келі), Юлия Одиненко (59 келі), Ұл­болсын Қожамберді (67 келі), Жаиля Әубә­кірова (72 келі) сынды қыздарымыз топ жарды.
Ал грек-рим күресі шеберлері ара­сын­дағы белдесулер өте шиеленісті болды. Жасөспірімдер арасындағы әлем мен Азия чемпионаттарында жүлде алған жас таланттар алдыңғы буын ағаларына ла­йық­ты деңгейде қарсылық көрсете білді. Өткен жылы жасөспірімдер сапында өнер көрсеткен әлеуеті зор бозбалалар биыл жастар санатына өтіпті. Енді ақпан айының аяғында Шымкентте өтетін жасөспірімдер арасындағы ел чемпионатында осы жас мөл­шеріндегі құраманың аға бапкері Се­рік Жұмашевқа жаңадан жеткіншектер құ­ра­масын жасақтауға тура келеді.
Сонымен, грек-рим күресі балуан­да­ры­ның ішінен ең жеңіл салмақта жам­был­дық Асқар Сәлтебаев бірінші орын алса, 55 келіде астаналық Ахмет Ізбас­қа­нов топ жарды. 60 келіде кілем иесі Мейір Ер­за­қов­тың мерейі үстем болды. Жас­өс­пірім­дер арасында Сингапур Олим­пиа­да­сының чемпионы атанған Жәнібек Қан­ды­баев 66 келіге де­йінгі салмақта жеңіс тұғы­ры­ның ең биік саты­сына көтерілді. Жәні­бек был­тыр да жас­тар арасындағы ел чем­пио­натында бел­дескен, бірақ жүл­де­ге ілінбеп еді. Биыл толысып, бабы да келі­сіпті. 74 келіде елордалық Азамат Құс­ты­баев үздік шықты. Қостанайлық Тимур Таш­ма­ған­бетов 84 келіде жеңімпаз атан­са, 96 келіде – қарағандылық Айдын Әшімбаев, ал аса ауыр салмақта павлодарлық Еркін Шайкенов ел чемпиондары атанды.
Енді осы ел біріншілігінде көзге түсіп, топ жарғандардан жастар құрамасы жа­сақ­талады. Олар мамырдың 31-і мен мау­сымның 3-і аралығында Алматыда өтетін жастар арасындағы Азия чемпионатында ел намысын қорғайды.