Түрік кілемі – соңғы сын

Еркін күрес балуандары алдағы демалыс күндері Ресейдің Красноярск қаласында өтетін «Иван Ярыгин» мемориалында бақ сынайтын болса, грек-рим күресі шеберлері Түркияда «Вэхби Эмре» атындағы турнирде сынға түседі.
Стамбул боз кілемінде грек-рим кү­ре­сін­дегі еліміздің беткеұстар балуандарының бар­лығы (яғни лицензия алғаны бар, ал­ма­ғаны бар) белдеседі. Дәл осы Стам­бул кілемінен кейін кімнің Азия чем­пио­натында, ал кімнің лицензиялық тур­нир­де бақ сынайтындығы белгілі бола­ды.
Ұлттық құраманың бас бапкері Мұ­рат­бек Қасымханов 96 келіден басқа сал­мақ­тың бәрінде екі немесе үш балуаннан бел­дестіруді ұйғарыпты. Сонымен, 55 келіге дейінгі салмақта Асхат Құдайбергенов, Марат Кәрішалов және Артур Үмбетқалиев бақ сынайды. Алғашқысы ел чемпионы, был­тыр әлем чемпионатында белдесіп, айтарлықтай нәтиже көрсете алмаған. Ал Кәрішаловтың осыдан екі жыл бұрын әлем кубогы бәсекесінде тәуір белдесті де­ме­се­ңіз, біраз уақыт кілемнен шеттеп қалғаны бар. Ал соңғысы Үмбетқалиев жақында ғана Ресейде бақ сынған, бірақ алғашқы ай­налымнан өте алған жоқ. Негізі, осы сал­мақ дәрежесінде бізде Олимпиада жол­дамасы жоқ. Әрі Астанада өтетін ли­цен­­зиялық турнирде кімнің белде­се­тін­дігі де әзірше белгісіз. Бәлкім, осы түрік кіле­мін­де анықталар.
60 келіде әлем чемпионатының күміс жүл­дегері Алмат Кебіспаевқа Стамбул кілемі жақсы таныс. Сондықтан ол түрік же­рінде өз шеберлігін шыңдай түспек. Ал «үл­кен спорттан қол үзсем бе» деп ойланып жүрген Нұрбақыт Теңізбаев өз карьерасын қайтадан жалғастыратын секілді. Азия чем­пионатына барып қалуы ғажап емес. Осы салмақта Ербол Қоңыратовтың та бақ сынайтындығын айта кетейік.
Лицензиясы жоқ салмақтың бірі – 66 келі. Бұл салмақта Дархан Баяхметов, Эль­дар Қайратов және Айбек Еңсеханов бел­де­седі. 74 келіде Асхат Ділмұхамедовті, Дос­жан Қартықовты және Әсет Әділовті сы­нап көреміз. Үшеуі де былтыр Семейде өткен ел кубогында белдескен. Онда Асхат Ділмұхамедов біздің елде өзіне ешкімнің тең келмейтіндігін тағы да дәлелдеп бер­ген. Әрі Асхат Олимпиада лицензиясын қан­жығалаған. Ал 84 келіде Алхазур Оз­диев, Жанарбек Қабдолов, Даниал Гад­жиев сынды балуандарымыз күреседі. Ал­ғашқы екеуі біздің жанкүйерлерге жақсы таныс. Ал Гаджиевті Ресейден шақыртыпты. Бірақ былтырғы Семей боз кілемінде өзін көрсете алған жоқ. Үшеуінің ішіндегі мық­ты­сының лицензиялық турнирде белде­се­тіндігі даусыз.
Әсет Мәмбетов үлкен спорттан қол үз­ген­нен кейін Марғұлан Әсембековке үлкен жол ашылды. Енді сол мүмкіндікті мүлт жі­бер­меуі керек. Оның арманы – Олимпиада төрінде белдесу. Енді соған қол жеткізу үшін Астанадағы лицензиялық турнирде аянып қалмауы керек. Түр­кияда 96 келіде біздің елдің атынан жалғыз өзі күреседі.
Аса ауыр салмақта Нұрмахан Тінәлиев пен Есенкелді Жалғаспаев күресетін бол­ды.