Боксшы Жанқош Тұраровтың үшінші баласы дүниеге келді
Былғары қолғап шебері, қазақстандық танымал спортшы Жанқош Тұраровтың үшінші қызы дүниеге келді, деп хабарлайды Stan.kz ақпарат агенттігі.
Қуанышты жаңалықты спортшы желідегі парақшасында жариялады.
"Иә, Алла, көрдім бе, көрмедім бе?!
Иә тәңірім, бердің бе, бермедің бе?!
Шырылдаған үніңнен айналайын,
Шыныменен өмірге келгенің бе?!
Қызым болсаң, қырымда құралайсың,
Ұлым болсаң, ұлы бір мұрадайсың.
Естисің бе, есі жоқ, ей, дүние,
Менен неге сүйінші сұрамайсың?!
Аллаға шүкір, әне міне дегенше үш қыздың әкесі атандым. Алланың бергеніне шүкір етіп, сансыз мадақ айтамын. Достар сіздердің де әулеттеріңізде шырылдаған сәбидің дауысы көп болсын...", - деп боксшы оқырмандарынан сүйінші сұрады.
Өз кезегіде желі оқырандары спортшыны қуаншыты жаңалығымен құттықтап, жүрекжарды тілектерін жаудырып жатты.
"Салиқалы ұрпақтан болсын", "берекелі болсын", "бауы берiк болсын", "әдемі қыз болып бой жетсін", "Құтты болсын! Жұмақтың есігі ашылды дей беріңіз" , - деп ыстық лебіздерін білдіріп жатыр.