Жыл басынан бері Ішкі істер министрлігінің 149 қызметкері ауыр қылмыс жасаған
2022 жылғы қаңтар-тамыз айларында Қазақстан Республикасы Ішкі істер министрлігінің 199 қызметкері түрлі қылмыстық құқықбұзушылық жасаған, - деп хабарлайды Alashainasy.kz тілшісі Azattyq Ruhy.kz-ке сілтеме жасап.
Бұл бір жыл бұрынғыдан 12,7 пайызға аз көрсеткіш. Олардың көпшілігі, яғни 149 қызметкер ауыр қылмыстық құқықбұзушылықтар жасаған. 22 қызметкер жеңіл емес, 25 қызметкер орташа ауырлықтағы, бір қызметкер аса ауыр қылмыс жасаған.
Ranking.kz зерттеуінше, 2021 жылдың осы кезеңінде еліміздің Ішкі істер министрлігінің 228 қызметкері түрлі қылмыстық құқықбұзушылықпен ұсталған, бұл алдыңғы жылмен салыстырғанда 19,1 пайызға аз көрсеткіш.
Айта кетейік, ресми деректерге сәйкес, 2019 жылдан бастап бұл көрсеткіш төмендеп келеді.
«Өңірлік тұрғыдан алғанда, ведомство өкілдерінің тәртіп бұзуына қатысты деректің басым бөлігі Алматы қаласында тіркелген: 25 адам – бұл бір жыл бұрынғыдан 8,7 пайызға артық. Одан кейін Ақтөбе (19 адам, былтырғыдан 72,7 пайыз көп), Алматы (17 адам, былтырғыдан 54,5 пайыз көп) және Солтүстік Қазақстан (17 адам, жылдық өсім – 2,4 есе) облыстары тұр», - делінген зерттеуде.
Қылмыстық құқықбұзушылық жасаған Ішкі істер министрлігі қызметкерлерінің ең аз саны Шығыс Қазақстан облысында тіркелді: бір жыл бұрын 17 адам анықталса, биіл 1 ғана адам анықталды.
Ішкі істер министрлігі қызметкерлері арасында құқық бұзушылар санының айтарлықтай және күрт төмендеуі Атырау (бір жыл бұрын 26 адам болса, биыл 6 адам) және Жамбыл (бір жыл бұрын 22 адам болса, биыл 9 адам) облыстарында да байқалды.
«Ішкі істер министрлігі қызметкерлері арасында құқық бұзушылардың жартысы сыбайлас жемқорлық және мемлекеттік қызмет пен мемлекеттік басқару мүдделеріне қарсы басқа да қылмыстық құқықбұзушылықтар бойынша 100 адам ұсталды– бұл бір жыл бұрынғыдан екі пайызға аз көрсеткіш. Бұл саладағы ең «көп таралған» құқықбұзушылықтар – пара алу, немқұрайлылық және билікті немесе лауазымдық өкілеттіктерді асыра пайдалану», - дейді зерттеушілер.
Меншікке қарсы құқықбұзушылық бойынша бір жыл бұрын 55 қызметкер заң бұзса, биыл 50 адам ұсталған. Бұл жерде кең тараған заңбұзушылықтар қатарында алдау, ұрлық және сеніп тапсырылған бөтеннің мүлкін иемдену немесе жымқыру деректері тұр.
«Осы жылдың қаңтар-тамыз айларында азаматтардың конституциялық және өзге де құқықтары мен бостандығына қарсы 14 қызметкер қылмыстық құқықбұзушылық жасаса, өткен жылдың сәйкес кезеңінде 12 қызметкер заңбұзулық жасаған. Аталған қызметкерлердің барлығы тікелей азаптау дерегімен ұсталған», - дейді сарапшылар.
