Жетісу облысының ауылдарында су басқан аулалар құрғатылды
ТЖМ Жетісу облысындағы су басқан елді мекендердегі жағдай туралы мәлімдеді, - деп хабарлайды Alashainasy.kz тілшісі "ҚазАқпарат"-қа сілтеме жасап.
Деректерге қарағанда, қазіргі уақытта жағдай тұрақты, су басқан үйлер жоқ. Жұмылдырылған күштер мен құралдар жүргізген инженерлік және су сору жұмыстарының нәтижесінде Жетісу облысының елді мекендерінің аулалар мен аулалар маңынан су құрғады. Жалпы 3 456 текше метр су сорылды.
«Құтқарушылар тұрғындарға аула аумақтарын қоқыс пен балшықтан тазартуға көмек көрсетуде.
Эвакуациялау пунктінде 16 адам, оның ішінде 7 бала қалды», - деп жазды ведомстводан.
Қазгидрометтің болжамына сәйкес, 13 тамызда түнде Жетісу облысының оңтүстігінде, таулы аудандарында қатты жаңбыр күтіледі. Облыстың оңтүстігінде, таулы аудандарында найзағай, күндіз бұршақ жауып, дауыл соғады. Солтүстік-батыстан жел соғады, облыстың оңтүстігінде, шығысында, таулы аудандарында екпіні 15-20, кей уақытта 25-28 м/с дейін барады.
Соңғы сағатта көп оқылған жаңалықтар осында Massaget.kz
