Ысталған қазыны өндіру қолға алынды

Ақтөбеде «Бизнестің жол картасы – 2020» бағдарламасы шеңберінде ісін жаңа бастаған кәсіпкерлер үшін жедел-кепілдемелер беру бойынша алғашқы кепілдік шартына қол қойылды.
Осы жылы «Бизнестің жол картасы – 2020» бағдарламасына бірқатар оңтайлы өз­герістер енгізілген болатын. Оның ішінде ісін жаңа бастаған кәсіпкерлер үшін мем­лекет тарапынан жедел кепілдемелер беру мүм­кіндігі де қарастырылған. Жұмыс жа­сап тұрған кәсіпкерлер үшін «Бизнестің жол кар­тасы» бойынша мемлекеттік кепілдеме не­сие сомасының 50 пайызына дейін бе­рілетін болса, ал бастауыш кәсіпкерлерге ар­налған жедел-кепілдемелер несиенің 70 па­йызына дейін ұсынылады. Бірақ не­сиенің ең жоғарғы сомасы 20 млн теңгеден ас­пауы қажет.
Банктің несиесі бойынша «Даму» қо­ры­ның 70 пайыз кепілдемесін алу мүмкіндігіне не­гізгі қызметі ыстау әдісімен еттен ұлттық та­ғам өнімдерін өндіру болып табылатын же­ке кәсіпкер Данат Шураханов ие болды. Ал­ғашқы уақытта кәсіпкер өнімнің тек бір түрі – жылқы етінен ысталып жасалатын қазы өндіруді жоспарлап отыр. Өндіріске шикізат Ақтөбе облысының мал сою цех­тары мен шаруа қожалықтарынан сатып алын­бақшы. Сондай-ақ Қазақстанның өзге ай­мақтарынан және жақын шетелдерден жет­кізілген еттер де пайдаланылатын бо­ла­ды. Өнімді тұтынушылардың мақсатты топ­тары ретінде облыс тұрғындары, қо­ғамдық тамақтандыру нысандары, елі­міздің жақын аймақтары мен Кедендік одақ­қа мүше елдер қарастырылған. Өн­дірісте Ресей мемлекетінде шығарылған жо­ғары технологиялық құрал-жабдықтар пай­даланылатын болады. Шағын цехтың жал­пы құны 40,3 млн теңгені құрайды, оның ішінде 19,6 млн теңгесі несиеге алынған.
Банктен алынған несие бойынша мем­лекеттік кепілдеменің құны 13,7 млн тенге, яғ­ни несие сомасының 70 пайызы. Со­нымен қатар жеке кәсіпкер Данат Шу­ра­хановқа сыйақы мөлшерлемесін суб­си­дия­лау түріндегі мемлекеттік қолдау да көр­сетілмек.