Шелек орманы отқа оранды

Алматы облысында биылғы маусымның алғашқы дала өрті тіркелді. Еңбекшіқазақ ауданындағы Шелек орман шаруашылығының 100 гектары жанып кетті.
ҚР Төтенше жағдайлар министрлігі маман­дарының хабарлауынша, өрт дүй­сенбі күні Шелектен 90 шақырымдағы Охоньково шатқалында сағат 10:50-лер шамасында шыққан. Іле жағасында әлде­неден от тұтанып, өзен бойындағы қамыс пен тораңғы түгел қызыл жалынға оранды. Орман өртінен зардап шеккендер жоқ. Өрт­сөндірушілер мен орманшылардан құралған 40 адам жалынды төрт сағаттан соң тоқтатып, кешке таман оқиға орнын толық залалсыздандырды. Жауын жаумай, күн ашық болғанда өрттің жылдам қар­қын­мен жайылып, 100 гектардан да көп аумақты шарпуы әбден мүмкін еді.