Сейсмологиялық жаттығу өтеді

Қыркүйектің 25-і күні Алматыда жал­пықалалық сейс­мологиялық жат­тығу өтеді. Тө­тенше жағдайлар қызметі тұрғындар­ды оқыс дабыл қағылған кезде са­­быр сақтауға және жаттығуға белсенді қатысуға шақыра­ды.
Сәрсенбі күні күндіз қала көшелерінде сирена үні естіліп, «Бәріңіз назар аудары­ңыздар!» деген дабыл қағылады. Төтенше жағдайлар қызметкерлері сейсможаттығу кезінде тұрғындардан үйде су, газ, электр желілерін ажыратып, көшеге шығуды сұрайды. Алматылықтар тап жер сілкінісі кезіндегідей сыртқа құжаттарын, қажет киімдері мен азық-түлігін алып шығуы керек. Үйдегі қарияларды көшеге шығару­ға дайындық жасау қажет. Мектептер мен балабақша ұжымдары балаларды қауіпсіз жерге көшіруге әрекеттенуі тиіс. Басқа мекеме-кәсіпорын ұжымдары да жаттығуға белсенді араласып, қауіпсіздік ережелерін пысықтағаны абзал. Айта кетейік, өткен жұма күні сағат 22.30 шамасында Алматы­да жер сілкінді. Қуаты MSK-64 шкаласы бойынша 2-3 балл болды. Зілзаланың эпицентрі оңтүстік астанадан 111 шақырым жерден, Қырғызстан аумағынан анықтал­ды. Жер сілкінісін алматылықтар діріл түрін­де сезді, қатты тербеліс болған жоқ және афтершоктар қайталанбады.