«Қауіпсіз аула» қауіпсіздік кепілі бола ала ма?

Қостанай қаласында тұрғын үй аулаларында 60 бейне бақылау камера­лары орнатылды. «Қауіпсіз аула» деп айдар тағылған бұл шара қала тұрғындарының қауіпсіздігі үшін қызмет етуі тиіс» дейді полиция қызметкерлері.
Аталмыш жобаның жүзеге асуына Қос­та­най облысының әкімдігі 36 млн теңге бөл­ген.
Андрей ГРИГОРИЕВСКИЙ, Қостанай облыстық ІІД әкімшілік полиция басқар­масы бастығының орынбасары:
– Бұл бағдарламаны жүзеге асырсақ, көп қабатты тұрғын үйлердің арасында жиі орын алатын құқықбұзушылықтар мен қылмыстарды жасаушыларға қатыс­ты тез әрекет етіп, қылмыстық істің ізі суы­май ашы­луына мүмкіндік береді де­ген ойда­мын.
Ішкі істер департаменті берген мәлі­мет­терге қарағанда, бейне камералар 55 «нүк­теге» орнатылған. Бұл камералар өт­кен жы­лы сатып алыныпты. Бір айта ке­тер­лігі, бей­некамералар 10 учаскелік полиция қосынына қосылған жеті каме­раның түсі­рілімін полицияның стацио­нарлы қосыны­нан сол мезетте-ақ бақы­лауға алып, қарап отыруға болады. Тәу­лік бойы болған оқи­ға­ларды түгел жазып алатын бұл бейне ка­ме­ралар істің анық-қанығын бірден анық­тап, қылмыстық істердің дереу арада ашы­луына септігін тигізбек.