Күрті елді мекенінде жер сілкінді

Алматы облысы Іле ауданы­ның Күрті елді мекені аумағында жерасты дүмпулері сезілді. Жер сілкінісінің қуаты МСК-64 шкаласы бойынша 2-3 балл болды.
ҚР Білім және ғылым министрлігі Ғы­лым комитетінің «Сейсмологиялық тәжіри­белік-әдістемелік экспедициясы» ММ мамандарының мәліметінше, жер сілкінісі өткен жексенбі күні сағат 22.36-да болған. Зілзаланың ошағы Алматы қаласынан сол­түстік-батысқа қарай 66 шақырым жерде анық­талды. Жерасты дүмпулері Іле ауданы­ның Күрті елді мекені аумағында сезілген. Қирандылар туралы мәлімет жоқ. Бұдан бір тәулік бұрын қазақ-қырғыз шекара­сын­да да жер сілкінісі болған еді. Энер­ге­тикалық класы 11,3 болатын жерасты дүм­пулерінің эпицентрі Алматыдан оңтүстік-батысқа қарай 460 шақырым жерде анықталды. Жер сілкінісі Тараз қаласында МСК-64 шкаласы бойынша 2 балл түрінде бай­қалды. Айта кетейік, мамандардың бол­жамынша, тамыздың 24-іне дейінгі ара­лықта Алматы полигоны аумағында қуат­ты жер сілкінісі болмайды.