Қостанайда түсірілген видео желі қолданушыларын ашуландырды. Онда қаңғыбас жануарларды аулау қызметінің қызметкерлері қаңғыбас итті атып, өлім аузында қалдырып кеткені көрсетілген. Қостанайлық полицейлер итті аяусыз өлтіру фактісі бойынша тергеуді бастады, деп хабарлайды Stan.kz ақпарат агенттігі "Информбюро" бағдарламасына сілтеме жасап.
"Иә, мен түсінемін, олар қаңғырып жүр. Қаңғыбас иттер балаларды тістеуі де мүмкін. Бірақ, дәл осылай өлтіру, оның үстіне күндіз, балалардың сөзінше. Балалардың жылағанын көрсеңіздер ғой, үлкенде де қосылып жылады", - деді куәгер Людмила Девина.
Оқиға көпқабатты үйдің ауласында болған. Қаңғыбас жануарларды аулау қызметінің қызметкерлері қаңғыбас итті бабалардың көзінше атқан. Жергілікті тұрғындар Альфа деп атап кеткен итті қансыратып тастап кеткен. Ит бірнеше минут бойы қиналып, ақыры өлген. Оны тұрғындардың өздері көмген. Өйткен иттің денесін алып кетуге ешкім келмеген.
Альфа мен тағы екі екі қаңғыбас итті тұрғындар бірнеше уақыттан бері тамақтандырып келеді. Тұрғындардың сөзінше, иттер қыстыгүні балаларды мектепке дейін апарып тастайды.
Осы оқиғадан кейін, қалған екі қаңғыбас итке бау бойлап қойды, осылайша тұрғындар оларға ешкім тиіспейді деп ойлап отыр.
"Қазіргі уақытта осы фактке байланысты сотқа дейінгі тергеу басталды. ҚК-тің 316 бабы (Жануарларға қатыгездік жасау) бойынша іс қозғалды. Тергеу әс шаралары толық көлемде жүргізіледі", - деді Қостанай облысы ПД-нің баспасөз хатшысы Ирина Беженарь.