Алты жасар баланы періштесі қақты

Семейде алты жастағы бала көпқабатты үйдің үшінші қабатынан құлап, аман қалды. Бұл жайлы қалалық жедел жәрдем стансысынан хабарлады.
Дәрігерлердің айтуынша, оқыс оқиға таяу күні болды. Терезе алдына шыққан ұл бала сыртқа көз салып, маңайдағы кө­рі­ніс­ті тамашалап тұрады. Кенеттен ашық тұр­ған терезеден төмен қарай бергенде, абай­сызда аяғы тайып кетіп, астыға қарай құлайды. Бақытқа орай оның періштесі қа­ғып, бала аман қалды. Оқиға орнына келген ақ халаттылар жасөспірімді бірден ауруханаға жеткізді. «Бала бірнеше жерден жарақат алған. Омыртқасының сынуы мүм­кін деген жорамал бар. Барлығы тек­серу қорытындысынан соң белгілі бо­лады» дейді жедел жәрдем стансысының ма­ман­дары. Соңғы тексеру бойынша, бі­рін­ші сынып оқушысының миы шайқалып, кеуде тұсына зақым келді деген қорытынды жасалды. Қазір жасөспірім ауруханада ем қабылдап жатыр. Жағдайы бірқалыпты.