Алматыда барыс бейнеленген қабырға суретіне қатысты дау туындады
Алматыдағы үйлердің бірінде қар барысы бар қабырға суретін әйгілі сусынның жарнамасымен жауып тастаған., - деп хабарлайды Alashainasy.kz тілшісі Оrda.kz-ке сілтеме жасап.
Бұған қатты наразы болған қаланың басқа тұрғындары, осы үйдің тұрғындары мен өнер адамдары барысты орнына қайтаруды талап етті. Жаңа жарнаманың иесі оның неге бұл жерде және қалай пайда болғанын түсіндірді.
«Бастапқыда біз басқа орын таңдадық, бірақ ол үйдің тұрғындары келіспеді. Содан кейін балама ретінде «барыстың» сурет бар қабырға табылды. Кескін ескіріп, әр жері құлаған, оны ешкім қалпына келтіруді жоспарлап отырған жоқ. КСК-мен келіссөздер жүргізіп, келісіп, жарнама алаңын жалға алу шартына қол қойдық, қала құрылысы бөліміне сұраныс жіберіп, мақұлдадық. Біз ескі кескіннің белгілі бір эмоционалды құндылыққа ие болғанын түсінеміз, бірақ ол қазірдің өзінде қатты тозған, осыған байланысты уәкілетті екі ұйым – KСK мен Қала құрылысы және урбанистика департаменті оны ауыстыруды қолдады», – дейді компания.
Алайда, қала тұрғындарының жаппай наразылығы назардан тыс қалмады.
«Құрметті Алматы қаласының тұрғындары! Жаңа Coca-Cola қабырға суреті төңірегінде орын алып отырған жағдайға байланысты жұртшылықтың пікірін тыңдап, осы жағдайды шешу үшін шаралар қабылдап жатқанымызды мәлімдейміз. Нәтижелері туралы міндетті түрде хабарлаймыз. Шыдамдылық танытқандарыңызға рахмет! – деп хабарлады компания.
