Жігіттің опасыздығына ашуланған қыз көшеде тыр жалаңаш шешініп тастады
Қытайдың Цзянсу провинциясында қыз жігітінің көзіне шөп салғанын біліп, одан кек алу үшін көшенің ортасында шешінген, - деп хабарлайды Alashainasy.kz. Бұл туралы Stan.kz тілшісі The Thaiger сайтына сілтеме жасап жазды.
Қыз бірнеше жыл бойы қарым-қатынас құрып, тұрмыс құрайын деп жүрген адамының алдағанын біліп қалған. Олардың үйлену тойы 1 мамырда өтуі керек еді. Алайда екі апта бұрын қыз болашақ кұйеуінің басқа қызбен жүретінін біліп қалған. Әрі жігіті болашақ қалыңдығының ақшасын бөтен қызға жұмсап, ол сыйлаған көлікпен басқа қызбен кездесуге барыпты.
Шындықты білген қыз жігітпен кездесіп, көшенің ортасында сөйлесті. Әңгіме соңы жанжалға ұласып, ашуланған қалыңдық опасыздық жасаған адамнан өш алу үшін көшенің ортасында шешінген. Көптеген адамдар қыздың әрекетіне таң қалып, оның психикалық проблемалары бар деп фотосуретке түсіре бастады. Кейбір адамдар болса, оны киіммен жабуға тырысып, үйіне қайтуын өтінген. Ақырында, жергілікті полиция оны көшеден кетуге көндірді.
Фотосуреттер көп ұзамай әлеуметтік желілерге таралды. Көптеген қолданушылар қыз өз-өзін қорлады деп сынап тастады. Кейбір тарап оны қолдап, оған жанашырлық білдірді. "Құрметтім, ең жақсы өш алу жолы – ар-намысы жоқ адамды тастап, тыныш өмір сүру. Мықты бол", –деп жазды бір қолданушы.
