Вирус 70-тен астам елде анықталған. Дүниежүзілік денсаулық сақтау ұйымының соңғы дерегі бойынша Африкада маймыл шешегінен 5 адам көз жұмған, - деп хабарлайды Alashainasy.kz тілшісі «Хабар 24»-ке сілтеме жасап.
Ұйым басшысы Тедрос Гебрейесус келтіргендей, ауруды көбіне бір жынысты қатынасқа түсетін ер азаматтар жұқтырады.
Маймыл шешегі инфекциялық аурудың сирек түрі саналады. Негізгі белгілері – жүректің айнуы, дене қызуының көтерілуі, қышыма және бұлшықеттің ауырсынуы.
Маймыл шешегі көбіне Орталық Азия мен Батыс Африканың шалғай өңірлерінде жиі кездесетінін бұған дейін айтқанбыз.
Тедрос Гебрейесус, ДДСҰ басшысы:
– Кей елдерде вирустың таралуы азайғанын аңғарсақ, өзгелерінде керісінше, өсім байқалады. Өткен аптада 6 елде маймыл шешегінің алғашқы дерегі анықталды. Оның ішінде кей мемлекеттің диагностикасы анау айтқандай мықты емес, әрі вакцинаға қол жеткізе бермейді. Сондықтан ондай елдерде маймыл шешегін бақылап, таралуын тоқтату қиынға соғады. Диагностиканы тиімді жүргізу үшін Дүниежүзілік денсаулық сақтау ұйымы тесттерді тексеріп, сынап, бірқатар елдерге жөнелтіп жатыр. Әрі бұл жұмысын жалғастыра береді.