Аю бір топ туриске шабуыл жасап, 16 жасар бозбала көз жұмды
Ресейдің Краснояр өлкесіндегі «Ергаки» ұлттық саябағында жүрген бір топ туристерге аю шабуылдап, салдарынан бір жасөспірім қаза тауып, тағы бір адам жарақат алды. Бұл туралы ҚазАқпарат ТАСС ақпарат агенттігіне сілтеме жасап хабарлайды.
«Аю 13 адамнан тұратын туристер тобына шабуыл жасаған. Салдарынан екі адам зардап шегіп, оның біреуі – 16 жастағы жасөспірім қайтыс болды», - деп мәлімдеді ТЖМ жергілікті бөлімшесінен.
ТЖМ ақпаратынша, қазіргі кезде туристер бағдардан шығарылып жатыр.
Краснояр өлкесі мен Хакасия бойынша тергеу комитетінің басқармасы жануардың адамдарға шабуылдауы фактісіне қатысты тексеру жұмысын бастады.
Оқиға орнына тергеу-жедел тобы шықты.
«Ергаки» саябағы Краснояр өлкесінің оңтүстігінде орналасқан. Оның ауданы – 342 мың га.
