"Қасқыр бала" атанған Абылай Наурызбаев қазір қайда? (фото)

Әлемдегі сирек кездесетін гинетикалық ауруға шалдыққан қазақстандық Абылай Наурызбаев осыдан біраз уақыт бұрын әлем назарын өзіне аударған болатын. Бүгінде 22 жасқа келген жігіт қазір қайда жүр? Немен айналысады? Ол өзінің дертінен айыға алды ма? Бұл жайында "Страшно красивые" бағдарламасына сілтеме жасаған NUR.KZ хаббарлайды.

Денесін толықтай түк басқан Абылай гипертрихоз дертіне шалдыққан болатын.

Бүгінде 22 жасқа келген жігіт Польшада медициналық университетте хирург мамандығы бойынша білім алып жатыр.

"Ерекше болып туылғанымды білемін. Денемдегі түктер мүшел жасымнан бастап, өздігінен түсе бастады. Маған түктерім аса теріс әсер етпеген. Мектеп кезінен биология пәнін жақсы оқыдым. Енді хирург мамандығына оқып жатырмын.
Отбасымда мен жалғыз мен түкті адаммын. Қызық қуып, әлемде өзім секілді бірнеше адамның бар екенін білдім.

Болашақта әке болып жатсам, балаларымда бұл ауру тұқым қуалайды деп ойламаймын. Барлығы Алланың қалауымен болатын дүние ғой", - деді ерекше жаратылған азамат.