Елордалық денсаулық басқармасы жұмбақ жағдайда көз жұмған 9 жасар қызға қатысты пікір білдірді
Елордалық денсаулық сақтау департаменті 9 жасар қыздың жұмбақ өлімі туралы пікір білдірді, деп хабарлайды ҚазАқпарат тілшісі.
«Жедел жәрдем бригадасы келгенше, қыз бала өз үйінде қайтыс болды. Олар емханадан дәрігер шақырмаған. Отбасында төрт бала болған және кіші бауырлары да жедел респираторлық вирустық инфекциямен ауырған. Оларға дәрігер шақырғанда ата-анасы тұңғыш қызын да тексеруді сұраған. Онда қыздың жағдайы қалыпты болған, дәрігерді күтіп алып, пәтерді көрсеткен. Бірақ, онда ЖРВИ алғашқы кезеңі болуы мүмкін, оған еш антибиотик тағайындалмаған. Өлімнің нақты себебі белгісіз, оны сот-медициналық сараптама анықтайды», - деп жауап берді қалалық денсаулық сақтау басқармасы.
Ұйымның хабарлауынша, дәрігерлер 13 қаңтарда жасөспірімнің үйінде болған. Ал қыз бала 14 қаңтар күні көз жұмған.
Бұған дейін елордалық полиция департаменті 2011 жылы туған қыз баланың өз үйінде қайтыс болғанын хабарлаған еді.
Қазіргі уақытта тергеу мен сот-медициналық сараптама жүріп жатыр.
