Ресейге қарсы қарар БҰҰ Бас ассамблеясында дауысқа салынады
БҰҰ Бас ассамблеясында Ресейдің Украинадағы соғысын айыптайтын қарар жобасы мен мәселені бейбіт жолмен шешуге қатысты ұсыныстар да дауысқа салынады деп күтілуде, - деп хабарлайды Alashainasy.kz тілшісі Оrda.kz-ке сілтеме жасап.
ТАСС агенттігінің хабарлауынша, құжат Украина президенті Владимир Зеленскийдің бейбітшілік формуласына негізделмек. Қаулыны қарау 23 ақпанға белгіленді. Күтілгендей, БҰҰ Бас Ассамблеясының Украинадағы жағдайға арналған отырысына АҚШ Мемлекеттік хатшысы Энтони Блинкен, Украина Сыртқы істер министрі Дмитрий Кулеба, Еуроодақ Сыртқы істер қызметінің басшысы Жозеп Боррел, сондай-ақ Еуропа елдерінің бірқатар сыртқы істер министрлері қатысады.
Сонымен қатар, 24 ақпанда Украинадағы жағдай бойынша БҰҰ Қауіпсіздік Кеңесінің министрлер деңгейіндегі отырысы өтеді деп жоспарланған. Оған Блинкен, Боррелл және Кулебадан басқа Франция, Германия және т.б. сыртқы істер ведомстволарының басшылары, сондай-ақ ЕО елдері немесе олардың орынбасарлары қатысады.
Бастапқыда Зеленский БҰҰ Қауіпсіздік кеңесі отырысына қатысады деп күтілген еді, бірақ бұл АҚШ президенті Джо Байденнің Еуропаға жоспарланған сапарына байланысты болмай қалуы әбден мүмкін. Сонымен қатар, 23-24 ақпанға арналған іс-шаралар жоспары әлі де түзетілуі мүмкін, кейбір мәліметтер қауіпсіздік мақсатында құпия сақталуы тиіс.
