Тәуелсіздік күні Қызылжарда қос бірдей балабақша есігін айқара ашпақшы. Бұл туралы қала әкімінің баспасөз қызметі хабарлады. Естеріңізге сала кетейік, облыста шамамен 9 мыңдай бала сәбилер үйіне кезекте тұр.
Қызылжар қаласы әкімі баспасөз қызметінің хабарлауынша, Тәуелсіздік мерекесі бүлдіршіндерге зор қуаныш ала келмек. Алдымен қаладағы Айыртау көшесінің бойында «Алпамыс» деп аталатын балабақшаның салтанатты ашылу шарасы өтеді. Одан кейін 75 балаға арналған «Балдырған» сәбилер үйі де пайдалануға беріледі. Бұл бұрын Солтүстік Қазақстан мемлекеттік университетіне тиесілі ғимаратты қайтарып алудың арқасында мүмкін болған. Естеріңізде болса, облыс әкімі Самат Ескендіров кезінде жекешеленіп кеткен 10 балабақшаны қайтаруға уәде берген болатын. Сол уәде жүзеге асырыла бастағандай.
Сондай-ақ мереке күні «Қолжетімді баспана-2020» бағдарламасы аясында салынған 75 және 55 пәтерлі баспаналардың кілттері иелеріне табыс етілмек. «Береке» ықшамауданында салынған 75 пәтерлі коммуналдық-жалдамалы пәтерлер жас отбасыларға берілмекші. Ал 55 пәтерлі үйден пәтерлерді Тұрғын үй жинақ банкінің салымшылары алады.
Тәуелсіздік күні қос балабақша ашылады
Последние статьи автора