Сирия сергелдеңі соғысқа ұласа ма?

Сириядағы жағдай ушығып барады. Үкімет әскері соңғы уақытта қақтығыстар қаласына айналған Хомс қаласына кірді. Бұл шаһардағы оқиғалар салдарынан жүзден аса адам көз жұмған. Араб мемлекеттері лигасының үкімет пен оппозиция мүшелерінің арасындағы делдалдығынан әзірге ештеңе шықпай тұр.
Араб мемлекеттерінің лигасы жоспар­лаған келіссөздердің жүргізілер түрі көрін­бейді. Әзірге ресми Дамаск оппозиция мен бұқараның алдында берген уәдесін орын­дамай отыр. Бұған дейін билік қалалардың орталықтарында орналасқан әскерді алу, 500-ден астам бас бостандығынан айы­рыл­ған азаматқа рақымшылық жасайты­нын айтқан болатын. Алайда шешім қа­был­данып, нақты істер атқарылған жоқ. Араб мемлекеттерінің лигасы Сириядағы жағ­дайға байланысты төтенше кеңес өт­кізіп, арнайы шешім қабылдамақ ниетте еке­нін жеткізді. Айта кетейік, Сириядағы тол­қулар биылғы жылдың наурыз айында бас­талған болатын. Сегіз айдағы қақтығыс­тар салдарынан бірнеше мың адам қаза тап­қан.