Қазақстан-Өзбекстан қарым-қатынасы дамуда

Өзбекстан Президенті И.Каримовтің үстіміздегі жылдың қыркүйек айында Қазақстанға сапары кезінде қол жеткізілген келісімдер екі елдің қарым-қатынасының барлық саласына серпін беріп жатыр.
Мұндай пікірді кеше Алматыда болып өт­кен «Қазақстан-Өзбекстан: дипло­ма­тия­лық қатынастың орнауына – 20 жыл» атты ха­лықаралық ғылыми конферен­цияда Өз­бекстанның Қазақстандағы ел­шісі Алишер Са­лахитдинов айтты. «Қа­зақстан біз үшін – ең жақын бауырлас ел. Уақыт сынынан өт­кен дос және сенімді серіктес. Қазақ, өзбек ха­лықтары – бір бәйтеректің қос бұтағы іспет­тес көп ғасырлық  тарихы мен төл мә­де­ниеті та­мырлас елдер. Қазір екі жақты қа­рым-қатынас мемлекет басшыла­ры­ның саяси еркінің нәтижесінде  өз да­муының жаңа кезеңінде тұр», – деді А.Са­ла­хит­динов.
Оның айтуынша, алдағы уақытта Қа­зақ­стан Премьер-министрі Серік Ах­ме­тов­тің Өзбекстанға ресми  сапары жос­пар­ла­нуда. Жалпы, Қазақстан мен Өз­­бек­стан ай­мақ­тық және халықаралық сая­­сатта біртұтас ұстанымда және қа­уіпсіздікті қам­та­масыз етуде, тұрақтылық пен ор­нық­ты да­муда және Орталық Азия­дағы су ре­сурстарын тиімді пайдалануда ор­тақ пі­кір­де. Сондай-ақ  аймақтық және ха­лық­ара­лық ұйымдарға белсенді қаты­насып, бір-біріне өзара қолдау көрсе­теді.