Атыраулық әйел 17 жылдан бері жынмен жыныстық қатынасқа түсіп жүрген (видео)
Атыраулық әйел өзінің 17 жылдан бері жынмен жыныстық қатынасқа түсіп жүргенін жайып салды. Эльмира Бекқұлова күйеуінен айырып, ұлын ауыртқан жаратылыс жайлы жан сырын ақтарды деп хабарлайды «Пендеміз ғой» бағдарламасына сілтеме жасаған NUR.KZ.
«Ең алғаш рет 2003 жылы түсте балконда ұйықтап жатқанда болды. Сонымен сирек-сирек бұл оқиға қайталанып тұрады. Оны түсімде көремін. Көзі көк, шашы сары. Кейде түн ортасында оны сеземін. Күйеуіммен болған кездегідей қарым-қатынасты сезініп, оянып кетемін. Сол кезде онымен «болып» жатамын да, шошып оянамын. Бір күні жыннан бала туатын шығармын.
Осыдан біраз уақыт бұрын тісіме титан салдырған едім. Ол түсіме кіріп, «Мені улап жатырсың. Мен сені қорғағаннан басқа не істедім» дейді. Аузынан ақ көбік шығып жатыр. Осыдан кейін қорқамын», — деген әйел күйеуі өзін емдеуге әрекет жасап, нәтиже болмағасын ажырасып кеткенін айтты.
Төрт баласы бар Эльмира осы уақытқа дейін емделу үшін 700 мың теңгедей ақысын емшілерге жұмсаған. Алайда еш нәтиже болмапты.
Ал бұл жайында рухани шипагер, исламтанушы Әбдінайым Қарақожаев өз пікірін білдірді.
«Жындар мен адамдар арасында «ғашықтық» деген болады. Еркек жындар әйелдің айналасына басқа ер адамдарды жақындатпай қоятыны жайлы оқиғалар кездескен.
Мына кісі айтып тұрғандай, түсінде келеді. Осылай адам жынның жетегінде кетеді. Мұндай оқиға көбіне мұсылманша некесін қидырмаған жағдайда болады»,- деп жауап берді.
