Жанай Сейітжанұлы Омаров
Жанай Сейітжанұлы Омаров 1955 жылы 27 сәуірде Алматы қаласында дүниеге келген. Философия ғылымдарының кандидаты, доцент. 1977 жылы М. Ломоносов атындағы Мәскеу мемлекеттік университетін, 1980 жылы ММУ-нің аспирантурасын бітірген.
1980-1986 жылдары - ҚазПТИ-дың оқытушысы, аға оқытушысы, доценті. 1986-1989 жылдары - ҚазМУ жанындағы Қоғамдық ғылымдар оқытушыларының біліктілігін көтеру институтының кафедра меңгерушісі. 1989-1991 жж. - Халыққа білім беру министрлігінің Қоғамдық ғылымдарды
оқыту басты басқармасының басшысы. 1991-1993 жылдары – ҚазМУ-дың біліктілікті көтеру институтының ғылым жұмысы бойынша директордың орынбасары. 1993-1997 жылдары - «Трейдинг Сервис», «Емшан» АҚ-ның бас директоры. 1998 жылы - Алматы қалалық ақпарат және қоғамдық келісім басқармасының бастығы. 1998-1999 жылдары - «Имидж-Успех» ақпараттық-талдау орталығының бас директоры. 1998-1999 жылдары - ҚР Президентіне үміткер Н.Ә. Назарбаевты қолдау қоғамдық штабының үгіт-насихат тобының жетекшісі - Баспасөз хатшысы, «Отан» партиясы төрағасының орынбасары. 1999-2001 жылдары - Мәдениет, ақпарат және қоғамдық келісім министрлігінің Бұқаралық ақпарат құралдары департаментінің директоры. 2001-2004 жылдары - Қазақстан Республикасы Президентінің Баспасөз хатшысы. 2004 жылы - ҚР Президенті Әкімшілігі Ақпараттық-талдау орталығының меңгерушісі, қоғаммен және баспасөзбен байланыс бөлімінің меңгерушісі. 2004-2007 жылдары - «Қазақпарат» ҰК» АҚ президенті. 2007-2008 жылдары - «Қазақстан Тудэй» агенттігі» АҚ баспа үйінің бас директоры, «Караван» газетінің бас редакторы. 2008-2011 жылдары - «Қазақстан» РТРК» АҚ басқарма төрағасы. 2011-2014 жылдары - «Казахстанская правда» республикалық газеті» АҚ басқарма төрағасы. 2014 жылдың қаңтар-тамыз айларында Қазақстан Республикасы Мәдениет вице-министрі болды. 2014 жылдың қыркүйек айынан бастап «НҰР-Медиа» ЖШС-нің бас директоры. Қазақстан журналистика академиясының академигі.
«Құрмет» (2004 ж.) және «Парасат» (2011 ж.) ордендерімен, медальдармен марапатталған, Қазақстан Республикасы Президенті Н.Ә. Назарбаевтан бірнеше рет алғыс хат алған.
