Ұласбек Сәдібекұлы Сәдібеков

Ұласбек Сәдібекұлы Сәдібеков 1967 жылы 12 ақпанда Оңтүстік Қазақстан облысы, Бәйдібек ауданы, Жамбыл ауылында туған. Целиноград ауыл шаруашылық институтын, «Қайнар» университетін бітірген. Экономика ғылымдарының кандидаты.
Еңбек жолын орта мектепті бітіргеннен кейін 1983 жылы Оңтүстік Қазақстан облысы Алғабас ауданы, Алғабас ауылында «Алғабас» мал бордақылау бірлестігінде жұмысшы болып бастады.
1986-1987 жылдары Кеңес әскерінің қатарында қызмет етті. 1992-1993 жылдары - Ақмола қаласының Жастар істері бойынша қалалық комитетінің төрағасы; 1993-1994 жылдары - Оңтүстік Қазақстан облысы Алғабас ауданының ішкі саясат бөлімінің маманы, бас маманы;  1994-1996 жылдары - Оңтүстік Қазақстан облысы, Алғабас ауданы жастар ісі, туризм және спорт бөлімінің бастығы;  1996-1998 жылдары – «Жетіген» ЖШС-нің директоры, Шымкент қаласы; 1998-2002 жылдары – Оңтүстік Қазақстан облысы, Бәйдібек ауданы әкімінің орынбасары;  2002-2004 жылдары - Оңтүстік Қазақстан облысы әкімі аппараты әлеуметтік – мәдени кешен бөлімінің меңгерушісі; 2004-2005 жылдары - Оңтүстік Қазақстан облысы жастар ісі және ішкі саясат департаментінің бастығы; 2005-2006 жылдары – Оңтүстік Қазақстан облысы ішкі саясат департаментінің директоры; 2006-2007 жылдары – Оңтүстік Қазақстан облысы, Бәйдібек ауданының әкімі;  2007-2009 жылдары - Оңтүстік Қазақстан облысы Сарыағаш ауданының әкімі; 2009-2012 жылдары – «Нұр Отан» ХДП-ның Оңтүстік Қазақстан облыстық филиалы төрағасының бірінші орынбасары; 2012 жылғы қаңтардан бастап Қазақстан Республикасы Парламенті Мәжілісінің депутаты. Аграрлық мәселелер комитетінің мүшесі. «Нұр Отан» Халықтық Демократиялық партиясының мүшесі, партиялық тізім бойынша сайланған.
«Құрмет» орденімен, «Астанаға 10 жыл», «Қазақстан Конституциясына 10 жыл», «Қазақстан Республикасының Тәуелсіздігіне 20 жыл» медальдарымен марапатталған. Оңтүстік Қазақстан облысы Бәйдібек және Сарыағаш аудандарының құрметті азаматы.