Түсіпхан Түсіпбекұлы Түсіпбеков

Түсіпхан Түсіпбекұлы Түсіпбеков  1953 жылы 5 ақпанда Шығыс Қазақстан облысы, Тарбағатай ауданы, Жалғызтал ауылында дүниеге келген. 1978 жылы Қазақ ауылшаруашылық институтын «Инженер-механик» мамандығы бойынша, 2001 жылы Мәскеу Мемлекеттік Әлеуметтік Университетін «Заңгер» мамандығы бойынша бітірген.
Еңбек жолын Шығыс Қазақстан облысының Тарбағатай ауданының «Қазақстан» совхозында инженер-механик болып бастады (1978-1979 жж); Шығыс Қазақстан облысы Тарбағатай ауданы «Қазақстан» совхозында МТМ меңгерушісі (1979-1982 жж); ШҚО Тарбағатай ауданы «Шілікті» совхозының бас инженері (1982-1987 жж); Шығыс Қазақстан облысы Тарбағатай ауданы «Қазақстан» совхозының директоры (1987-1994 жж); ШҚО Тарбағатай ауданы Әкімшілігінің басшысы (1994-1995 жж); ШҚО Тарбағатай ауданының әкімі (1995-2002 жж); ШҚО Мәдениет Басқармасының бастығы (2002-2007 жж); ШҚО Ішкі саясат Департаментінің бастығы; ШҚО жұмыспен қамту және әлеуметтік бағдарламаларды үйлестіру басқармасы бастығының орынбасары (2007-2008 жж); Шығыс Қазақстан Халықтар Ассамблеясы секретариатының меңгерушісі (2008-2010 жж); Шығыс Қазақстан Облысы  әкімінің орынбасары (2010-2011 жж). 
«Қазақстан Республикасының Тәуелсіздігіне 10 жыл» (2001 ж.) «Қазақстан Конституциясына 10 жыл» (2005 ж.), «Астанаға 10 жыл» (2008 ж.), «Қазақстан Республикасының Тәуелсіздігіне 20 жыл» (2011 ж.) медальдарымен марапатталған.
2011 жылдың қараша айынан, қазіргі уақытқа дейiн «Нұр Отан» ХДП  - ның Шығыс Қазақстан областық филиалының төрағасының бірінші орынбасары.