Сұлупан Панақызы Шынтасова

Сұлупан Панақызы Шынтасова 1959 жылы 4 мамырда Ақтөбе облысы Шалқар қаласында дүниеге келген. «Тауартану және азық түлік тауарларын сатуды ұйымдастыру» мамандығы бойынша Ленинград қаласындағы Энгельс атындағы Ленинград сауда институтын, «Бухгалтерлік есеп және аудит» мамандығы бойынша Алматы қаласындағы кадрларды даярлау, қайта даярлау және біліктілігін арттыру институтын, «заңгер» мамандығы бойынша Қ.Жұбанов атындағы Ақтөбе мемлекеттік университетін бітірді. Париж (Франция) қаласында ENA Университетінде, «Тұран-профи» Халықаралық Кәсіби академиясында білім алған.
Еңбек жолын 1980 жылы совет сауда жүйесінде қарапайым тауартанушыдан бастап, облыстық сауда басқармасының басшысына дейінгі жолды өтті. 1999 жылдан бастап мемлекеттік қызмет жүйесінде: облыс әкімі аппаратының сектор меңгерушісі, облыстық коммуналдық меншік басқармасының бастығы, Ақтөбе облыстық қаржы департаменті директорының орынбасары, Ақтөбе облысы бойынша Қазақстан Республикасының табиғи монополияларды реттеу Агенттігі басқармасының бастығы қызметтерін атқарды. Қазіргі таңда Ақтөбе қалалық мәслихатының хатшысы қызметін атқарады. «Нұр Отан» халықтық демократиялық партиясының Ақтөбе қалалық филиалының төрағасы.
Балалар үйіне, мүгедектерге, аз қамтылған азаматтарға қолдау көрсетіп келеді. «Жас Отан» жастар қанаты мен «Ақтөбе қалалық жастар мәслихаты» ҚБ бірлесіп жастармен белсенді жұмыс жасайды.