Сәкен Иманғалиұлы Балбаев
Сәкен Иманғалиұлы Балбаев 1964 жылы 25 желтоқсанда Алматы облысы Жамбыл ауданының Қара Кестек ауылында дүниеге келген. 1990 жылы С.М. Киров атындағы Қазақ мемлекеттік университетінің химия факультетін инженер-химик мамандығы бойынша тәмамдаған. 1996 жылы Қазақстандық менеджмент, экономика және болжамдау институтында «Бухгалтерлік есептің негіздері» курсынан еткен.
1987-1992 жылдары - әл-Фараби атындағы Қазақ мемлекеттік университетінің жоғары молекулярлық байланыстар химиясы кафедрасында аға зертханашы, инженер, аға инженер, кіші ғылыми қызметкер. 1990 жылдан - Бүкілодақтық «Интертрейнинг» ассоциациясының Қазақстандағы бөлімшесінің Қазақ тілін оқыту аймақтық жобасының жетекшісі. 1993 жылдан-кәсіпкер. 1995 жылдан - Қазақстан баспасөз клубының аудармашысы, қазақ тілді БАҚ-тың байланыс үшін жауапты қызметкері (ЮСАИД-тің қоғамдық ақпараттандыру және оқыту жобасы). 1996 жылдан - Қазақстан баспасөз клубының қаржы директоры. 1998 жылдан бері - Қазақстан баспасөз клубының атқарушы директоры. 2002 жылдан бері - «Promo Group Communications» агенттігі бас директорының орынбасары. Қазақстандық «PR-шы» PR-кәсіпқойлар бейресми клубының мүшесі (2002 жылдан).
