Сағатбек Арынұлы Тәжиев
Сағатбек Арынұлы Тәжиев 1949 жылы 20 наурызда Алматы облысы Сарқанд ауданы Қарауылтөбе ауылында дүниеге келген. Алматы халық шаруашылығы институтын, Алматы жоғары партия мектебін бітірген. Экономист, политолог.
Талдықорған облысында комсомол, партия және кеңес жұмыстарында істеген, халық депутаттары Сарқанд аудандық кеңесі атқару комитеті төрағасының бірінші орынбасары, Гвардия ауданы партия комитетінің екінші хатшысы болып сайланған, Талдықорған облыстық халық депутаттары кеңесінің Ауыл шаруашылығы және экология бөлімі меңгерушісі, Ақсу ауданының әкімі болып тағайындалған. Қазақстан Республикасы Парламенті бірінші шақырылымының депутаты болып сайланған. Қазақстан Республикасы Парламенті Сенаты Парламентаралық байланыс және Хаттама бөлімінің меңгерушісі болып тағайындалған. Қазақстан Республикасы Парламенті Сенаты Жалпы бөлімнің меңгерушісі.
ТМД ПАА Құрмет Грамотасымен, жеті медальмен, соның ішінде «Ерен еңбегі үшін» медалімен марапатталған.
