Рашид Тұрарұлы Ыбыраев

Рашид Тұрарұлы Ыбыраев 1948 жылы 16 маусымда Оңтүстік Қазақстан облысының Түлкібас ауданында дүниеге келген. Ташкент политехникалық институтын, Қоғамдық Ғылымдар академиясын (Мәскеу) және оның аспирантурасын тәмамдаған. Тарих ғылымдарының кандидаты, Халықаралық психология ғылымдары академиясының құрметті академигі (Мәскеу), Я.Кодолани университетінің (Венгрия) құрметті профессоры. 3 кітаптың, монографиялардың, көптеген мақалалар мен жарияланымдардың авторы.
1978 жылдан - Қазақстан КП Түркістан қалалық комитетінің бірінші хатшысы, 1980 жылдан - Шымкент қалалық атқару комитетінің төрағасы. 1986 жылдан Қоғамдық ғылымдар академиясының аспиранты. 1991 жылдан - Шымкент облыстық әкімшілігі төрағасының орынбасары. 1992 жылдан - «Қазфармбиопром» концернінің бірінші вице-президенті, Оңтүстік Қазақстан облыстық атқару комитетінің төрағасы. 1994 жылдан - 13-сайланған ҚР Жоғарғы Кеңесінің депутаты. 1995-2006 жылдары ҚР-ның Үндістандағы, Әзірбайжан мен Грузиядағы, Балтық елдеріндегі елшісі. 2006 жылдан - ҚР-ның Венгриядағы елшісі. 2007-2012 жылдары ҚР-ның Венгрия Республикасындағы Төтенше және Өкілетті елшісі, Босния және Герцеговина, Македония Республикасы, Сербия Республикасы, Черногория Республикасы, Словения Республикасындағы елшісі қызметін қоса атқарушы.
ІІ дәрежелі «Достық» орденімен, бірнеше медальмен марапатталған.