Райхан Мұқанқызы Қалиева

 Райхан Мұқанқызы Қалиева 1947 жылы 30 қазанда Жамбыл облысы Мерке ауданы Мерке қаласында дүниеге келген. 1969 жылы Алматы шет тілдері институтын (қазіргі Қазақ халықаралық қатынастар және әлем тілдері университеті) және 1985 жылы Қоғамдық ғылымдар академиясын (Мәскеу қаласы) тәмамдаған. Тарих ғылымының кандидаты (1985), саясаттану ғылымының докторы (1993), профессор (1997).
1969-1973 жылдары Жамбыл педагогика институтында (қазіргі Тараз мемлекеттік университеті) оқытушы, Жамбыл облысы комитетінде нұсқаушы, хатшы. 1973-1982 жылдары Қазақ КСР-і Жастар ұйымы комитетінің төрағасы. 1985-1987 жылдары Қазақстан ОК-де бөлім меңгерушісі. 1987-1992 жылдары ҚазМУ-да (қазіргі ҚазҰУ) проректор. 1993-1994 жылдары ҚР Президенті аппаратында аға референт. 1994–1999 жылдары Үкімет аппаратында, ҚР Премьер-министрі кеңсесінде аға сарапшы болып істеді. 1999 жылдан ҚР Сыртқы істер министрлігінде кеңесші қызметін атқарады. «Возрастание роли советской общественности в современных международных отношениях в 70–80-е годы» тақырыбында кандидаттық, ал «Международная деятельность Республики Казахстан на современном этапе» тақырыбында докторлық диссертация қорғады. 40-қа жуық жарияланымның авторы. «Құрмет Белгісі» орденімен марапатталған.