Мақпал Мұхамедиярқызы Жүнісова 1964 жылы 11 қаңтарда Қарағанды облысының Егіндібұлақ ауданында дүниеге келген. Шымкент мәдениет институтын бітірген. Әнші, Қазақстанның халық әртісі, Қазақстан Мемлекеттік сыйлығының лауреаты, «Жігер» фестивалінің, Қазақстан Комсомолы сыйлығының, Халықаралық «Азия дауысы» байқауының лауреаты, «Тарлан» сыйлығының иегері.
Өнер жолын «Гүлдер» ансамблінің құрамында халық әндерін орындаушы ретінде бастап, одан кейін «Қазақконцерт» бірлестігінің жанынан «Назерке» ансамблін ұйымдастырған. Репертуарында қазақ халық әндерімен қатар, қазіргі қазақ композиторларының музыкалық шығармалары бар. Әнші лирикалық әндерді нақышына келтіре орындауымен ерекшеленеді.
Мақпал Мұхамедиярқызы Жүнісова
Последние статьи автора