Майя Веронская
Майя Веронская 1983 жылы 22 маусымда Алматықаласында дүниеге келген. «Қазақстан» ұлттық телеарнасының редактор-жүргізушісі.
Майя бесінші сыныпқа көшкенде ата-анасы оны Алматы қаласындағы Шоқан Уәлиханов атындағы №12 қазақ-гимназиясына әкеледі. Осы сәттен бастап Майя қазақ тілін үйренеді. Мектепті бітірген соң, әкесінің кеңесімен Абай атындағы ҚазҰПУ-дің қазақ филологиясы факультетінің «аудармашы-ісқағаздарын жүргізуші» бөліміне оқуға түседі. Оны бітіргеннен кейін, екінші жоғары білім – «экономист» мамандығын алып шығуға бел буады. Оқуын сәтті аяқтап, хатшы болып жұмыс істейді. Майя алғаш рет телеарнаға көрермен ретінде келеді, телеарна қызметкерлерімен танысып, әртүрлі ток-шоу, бағдарламаларға көрермен ретінде барып жүреді. Телеарна қызметкерлері Майяның қазақ тілін жақсы білетінін байқап, тележүргізуші қызметіне алады, «Таңшолпан», «Екі жұлдыз» бағдарламаларын жүргізді.
