Мадияр Дүйсенбайұлы Қожахмет

Мадияр Дүйсенбайұлы Қожахмет 1984 жылы 13 ақпанда Қарағанды қаласында дүниеге келген. Л.Н. Гумилев атындағы Еуразия ұлттық мемлекеттік университетінің халықаралық құқық факультетін (2005 ж.) халықаралық құқық бакалавры мамандығы бойынша; Л.Н. Гумилев атындағы Еуразия ұлттық университетін (2007 ж.) халықаралық құқық магистрі мамандығы бойынша; «Болашақ» бағдарламасы бойынша Чех мемлекеттік қоғамдық ғылымдар университетін (2008 ж.) экономика және менеджмент магистрі мамандығы бойынша бітірген.  2009 жылдан бері«Нұр Отан» ХДП мүшесі.
2003 жылдың наурызынан - «Қазақстанның жастар конгресі» ЗТБ әлеуметтік-экономикалық бағдарламалар басқармасының бастығы, 2005 жылдан - атқарушы директордың міндетін атқарушы, 2006 жылдан - атқарушы директоры. 2006 жылдың қыркүйегінен 2008 жылдың шілдесіне дейін - «Қазақстанныңжастар конгресі» ЗТБ Чехиядағы екілі. 2008 жылдың қазанынан - ҚР Білім және ғылым министрлігінің Тәрбие жұмысы және жастар саясат департаменті директорының орынбасары. 2010 жылдың шілдесінен бері - ҚР Білім және ғылым министрлігі Тәрбие жұмысы және жастар саясаты департаментінің директоры. ҚР Президенті жанындағы Жастар саясат кеңесінің мүшесі, «Болашақ» стипендиаттар қауымдастығы» АБ мүшесі. «Қазақстан Парламентіне 10 жыл» медалімен, «Құрмет» грамотасымен марапатталған.