Көпжасар Нәрібайұлы Нәрібаев

Көпжасар Нәрібайұлы Нәрібаев 1938 жылы 3 маусымда Жамбыл облысы Жамбыл ауданы Бектөбе ауылында дүниеге келген. Экономика ғылымдарының докторы, профессор, ҚР ҰҒА-ның академигі, Қазақстанның еңбек сіңірген ғылым және техника қайраткері.
1960 жылы С.М.Киров атындағы ҚазМУ-нің экономика факультетін бітірді. 1976-1983 жылдары – Қазақ ССР жоғары және арнайы орта білім Министрінің орынбасары. 1983-1987 жылдары – Қазақстан Республикасының жоғары және арнайы орта білім Министрі болып қызмет атқарды. 1987-1990 жылдары – жетекші ғылыми қызметкер, Қазақ ССР ҒА-ның экономика Институтының басқару мәселесі бөлімінің меңгерушісі. 1990-1991 жылдары – Қазақ ССР Министрлер Кеңесінің Мемлекеттік комиссиясы председателінің экономикалық реформа бойынша орынбасары. 1994 жылы – Қазақстан Республикасының ҰҒА-ның корреспондент-мүшесі болып сайланады. 1991-2001 жылдары әл-Фараби атындағы Қазақ ұлттық университеттінің ректоры болды. 2002-2006 жылдары академик К.Н.Нәрібаев Алматы технологиялық университетінің проректорлық қызметін атқарды.
2006 жылдың ортасынан К.Н.Нәрібаев қызметін ҚР білім және ғылым министрлігінің экономика Институтына ауыстырады. 2008 жылы ҚР Білім және ғылым министрлігінің жанындағы республикалық білімді дамыту Кеңесінің мүшесі және төраға орынбасары қызметін атқарды.