Болат Әнапияұлы Тілепов

Болат Әнапияұлы Тілепов  1978 жылы 6 ақпанда Шымкент облысы Кентау қаласында туған. Әл-Фараби атындағы Қазақ ұлттық университетінің философия және саясаттану факультетін бітірген (2000); саясаттанушы, саясаттану пәні оқытушысы. Саясаттану ғылымдарының кандидаты (2003). Кандидаттық диссертациясының тақырыбы: «Қазақстан Республикасының саяси жүйесін дамытудағы дәстүрліліктің алатын орыны мен рөлі». Саясаттану ғылымдарының докторы дәрежесінің ізденушісі. Докторлық диссертациясының тақырыбы: «Мемлекеттің бәсекеге қабілеттілігін қамтамасыз ету саясаты: Қазақстан Республикасы және әлемдік тәжірибе». «Дәстүр және саясат» (2004) кітабының; ішкі саясат және қоғамдық үдерістер мәселелеріне арналған 20-дан астам ғылыми жарияланымның авторы. 
2001 жылдың мамырынан - ҚР Даму институтының Саяси зерттеулер орталығыныңғылыми қызметкері.
2001 жылдың тамызынан - «Стратегия» талдау орталығының сарапшысы, ғылыми хатшысы (Алматы қаласы).
2002 жылдан - Қазақ гуманитарлық заң университетінің Саяси технологиялар орталығының аға ғылыми қызметкері, «Стратегия» талдау орталығы директорының орынбасарылығын қоса атқарды.
2005 жылдан - Алматы қаласы әкімі аппараты Қазақстан халқы кіші ассамблеясының атқару хатшылығының меңгерушісі.
2006 жылдан - Алматы қаласы Ішкі саясат департаменті директорының орынбасары, Ішкі саясат басқармасы бастығының орынбасары.
2008 жылдан – Астана қаласы Ішкі саясат басқармасы бастығының орынбасары.
2010 жылдан бері - Астана қаласы Ішкі саясат басқармасының бастығы. Әскери атағы - запастағы лейтенант.
Жұбайы - Оразалиева Бәтима Асылханқызы (1979 жылы туған) Алматы қаласы Білім беру басқармасының бас маманы. Ұлы - Аят (2007 жылы туған).