Бижан Құрманғалиқызы Игенбаева 1960 жылы 10 наурызда дүниеге келген. 1985 жылы Абай атындағы Қазақ педагогикалық институтын география-биология мамандығы бойынша, 1993 жылы Абай атындағы Алматы мемлекеттік университетін бастауыш сынып мұғалімі мамандығы бойынша тәмамдаған. Педагогика ғылымының кандидаты, доцент.
Еңбек жолын 1986 жылы Алматы қаласындағы №62 мектепте география мұғалімі, одан кейін №159 мектепте директордың оқу-тәрбие ісі жөніндегі орынбасары қызметінен бастаған. 1995-2000 жылдары ҚР Білім және ғылым министрлігі Жалпы орта білім департаментінде жетекші, бас маман, 2000-2002 жылдары Ы.Алтынсарин атындағы Қазақ білім академиясында аға ғылыми қызметкер, 2002-2005 жылдары ББЖКБАРИ зертхана меңгерушісі, кафедра доценті, 2005-2007 жылдары Республикалық 12 жылдық білім беру ғылыми-парктикалық орталығы директорының орынбасары, 2007-2008 жылдары Республикалық «Мектепке дейінгі білім беру» орталығы директорының орынбасары, 2008-2011 жылдары Астана қаласы ПК БАИ доценті, 2012 жылдан бүгінгі күнге дейін Абай атындағы Қазақ ҰПУ Бастауыш сыныпта оқытудың әдістемесі кафедрасының доценті. 2012 жылғы ақпаннан бастап, «Мектепке дейінгі балалық шақ» республикалық орталығының директоры.
Б. Қ. Игенбаева бірқатар бағдарламалық-әдістемелік және оқу құралдарының авторы: «Әліппе», «Өзін өзі тану» оқулығы мен ОӘК (1-3 кл), «Қазақ тілі» (2-11 кл) пәні бойынша электронды оқу-әдістемелік кешені, «Ана тiлi» хрестоматия (2-3 кл), «Креативтік тәрбие» колледждерге арналған оқу құралы, сондай-ақ, «Даналық әліппесі» (сөйлейтін қаламмен бірге) интеллектуалды электронды оқу-тәрбие құралын құрастырушы. 2 монографияның авторы.
Марапаттаулары:
Қазақстан Республикасы білім беру ісінің үздігі;
Қазақстан Республикасы білім беру жүйесінің құрметті қызметкері.