Бектас Әбдіханұлы Бекназаров
Бектас Әбдіханұлы Бекназаров 1956 жылы 12 қыркүйекте Жамбыл облысы Жуалы ауданы Тесіктас ауылында дүниеге келген. 1983 жылы С.М. Киров атындағы Қазақ мемлекеттік университетін заңгер-құқықтанушы мамандығы бойынша тәмамдаған.
1978-1981 жылдары Жамбыл қаласындағы Орталық ауданының халықтық сотында сот орындаушысы. 1981-1984 жылдары Жамбыл облысы әділет бөлімінің консультанты, аға консультант. 1984-1990 жылдары Жамбыл облысы Жуалы аудандық халықтық сотының судьясы. 1990-1994 жылдары Жамбыл облыстық сотының мүшесі. 1994-95 жылдары Жамбыл облыстық соты төрағасының орынбасары. 1995-1997 жылдары Жамбыл облыстық соттың қылмыстық істер жөніндегі алқасының төрағасы. 1997-2002 жылдары Жезқазған облыстық сотының төрағасы, Алматы облыстық сотының қылмыстық істер жөніндегі алқасының төрағасы. 2000-02 жылдары Қазақстан Республикасы Әділет министрлігінің Соттардың қызметін ұйымдастыру департаментінің директоры, Қазақстан Республикасы Жоғарғы Сотының судьясы. 2002-06 жылдары - Атырау облыстық сотының төрағасы. 2006-2009 жылдары Алматы қаласындағы мамандандырылған қаржылық сотының төрағасы. 2009-2011 жылдары Ақтөбе облыстық сотының төрағасы. 2011-2014 жылдары ҚР Жоғарғы сотының төрағасы. 2014 жылдың тамыз айында Мемлекет басшысы Нұрсұлтан Назарбаевтың Жарлығымен Бектас Бекназаров Парламент Сенатының депутаты болып тағайындалды. Конституциялық заңнама, сот жүйесі және құқық қорғау органдары комитетінің мүшесі.
«Парасат» орденімен, бірнеше медальмен, құрмет грамоталарымен марапатталған.
