Байтұрсын Есжанұлы Өмірбеков 1946 жылы 14 қыркүйекте Талдықорған облысы Лесновка селосында дүниеге келген. Жетінші сыныптан кейін училищеге, одан соң Абай атындағы Қазақ педагогика институтының көркем-графика факультетіне оқуға түскен. Оны бітіргеннен кейін сол жерде жұмсықа орналасып, оқытушы, факультет деканы болып қызмет атқарды.
1978 жылы жаңа құрылған Алматы көркем-театр институтының оқу және ғылым жұмысы бойынша проректорлық қызметке тағайындалған. 1986 жылы ҚСРО Суретшілер одағына мүшелікке қабылданды. 1987 жылы мамыр айында 1986 жылдың желтоқсанында болған оқиғаларға байланысты проректорлық қызметінен босатылып, Кеңес Одағы Коммунистік партия қатарынан шығарылды. 1990 жылы бұрынғы қызметіне қайта қабылданып, доцент ғылыми атағын иемденді. 1994-2007 жылдары аралығында Ә. Қастеев атындағы Мемлекеттік өнер мұражайының директоры болып қызмет атқарды.
1999 жылы Қазақстан Республикасы Президентінің Жарлығы бойынша «Қазақстанның еңбек сіңірген қайраткері» құрмет атағы берілді. 2002 жылы Қазақстан Республикасы Білім және ғылым министрлігінің жоғары аттестациялық комиссиясы берген (ҚР БҒМ ЖАК) «өнертану» мамандығы бойынша профессорлық ғылыми лауазымын алды. 2007 жылдың 1 шілдесінде Т. Жүргенев атындағы Қазақ Ұлттық өнер Академиясына мұғалімдік жұмысына ауысуына байланысты мұражай директоры қызметінен өз еркіммен босатылды. 2009 жылғы 23 сәуірінде Қазақстан Суретшілер одағының XVI съезінде Суретшілер одағы Басқармасының төрағасы болып сайланды.
Баспасөз беттерінен ғылыми және ғылыми-әдістемелік еңбектері, шығармашылық жұмыстары жарық көрді және бірқатар мұражайлық, көркемдік жобалардың авторы.
Байтұрсын Есжанұлы Өмірбеков
Последние статьи автора