Ауыт Мұқибекұлы
Ауыт Мұқибекұлы 1969 жылы 20 қаңтарда Шығыс Түркістанның Құлжа ауданында дүниеге келген. 1998 жылы Қазақстан Республикасына қоныс аударды. «Балдырған» респубикалық балалар журналында бөлім редакторы, Қазақ энциклопедиясында ғылыми қызметкер болып жұмыс атқарған. Алғашқы шығармасы 1995 жылы Құлжа қаласынан шығатын «Іле кеші» газетінде жарық көрген. Содан бастап екі елдегі мерзімді басылымдарда оның туындылары қатар жарияланып келеді. Қаламгердің осыған дейін «Жас жүрек жайып саусағын», «Қалқатайға қарай-қарай талды көз», «Мөлдір», «Алпамыс текті ұл» атты жыр жинақтары баспадан шықты. Шет елдегі қандастарымыздың Отанымызға оралуына ат салысып, сол мәселені басылым беттерінде жиі көтеріп қазақтың мұңын мұңдап, жоғын жоқтап жүрген қаламгер. Алтыншы рет өткізілген «Дарабоз» бәйгесінің, Қасым Аманжоловтың 100 жылдығына арналған мүшәйраның жүлдегері.
