Танымал әнші Жеңіс Ысқақованың отбасында қуанышты жаңалық. Ол болашақ келініне құда түсіп, өз қолымен сырға салды деп хабарлайды NUR.KZ.
"Бісмілләсін" айтып, келініне өз қолымен сырға салған әнші оған жылы лебіздерін білдірді.
Ол болашақ келініне
"Қуанышымыз ұзағынан болсын, үбірлі-шүбірлі болып, еліңнің мақтанышы болып, менің отбасымның берекесі бол", - деген әнші оған деген жүрекжарды тілегін арнады.
Желі қолданушылары болса өз келініне өзі сырға салған Жеңісті сынап тастады. Олардың айтуынша, қазақтың салтында келінге сырғаны жігіттің жеңгесі салуы тиіс.
Дегенмен, жастардың бақытына мұның еш қатысы жоқ екенін тілге тиек еткендер сынға алған оқырмандардың өзін сөгіп тастады.
Айта кету керек, Жеңістің ұлы Айбатыр Карина есімді бойжеткеннен шаңырақ көтермек.