«Жаңа Қазақстанның 100 жаңа есімі» байқауның жеңімпаздары анықталды
Елордада «Жаңа Қазақстанның 100 жаңа есімі» республикалық байқауы мәресіне жетті.
Сайысқа қатысуға елдің түкпір-түкпірінен 200-ден астам түрлі мамандық иесі өтініш білдірген. Байқау шартына сәйкес, әрбір қатысушы «Ел дамуына қосқан үлесім» тақырыбында бейнебаян әзірледі. Осылайша әділқазы мүшелері үздіктерді анықтап, жүйрік шыққан 100 азамат «Жаңа есім» төсбелгісі және бірінші дәрежелі диплом иегері атанды. Шара «Жаңа Қазақстан» қоғамдық бірлестігінің мұрындық болуымен ұйымдастырылып отыр.
Мағжан Садыханұлы – “Жаңа Қазақстан” ҚБ төрағасы: - Бұл шараның мақсаты – халықтың арасында танымал болмаған азаматтарды таныту. Жеңімпаз атанғандар өздерінің мақсат мұраттарын айқындай алады. Оны біз қоғамдық негізде халықтың алдында осы азаматтарды танытамыз. Конкурсқа қатысқандардың ішінде дәрігерлер, кәсіпкерлер, жас ғалымдар, одан басқа мұғалімдер қатысып отыр.
Гүлмира Жанпейісова, байқау жеңімпазы: - Жаңа Қазақстанның 100 есімі марапатына ие болып жатырмын. Өзім Сю цай академиясының түлегі боламын. Психология саласында еңбек етіп, адамдардың жетістікке жетуіне себепші болып жүрмін.
