Саясат Нұрбек Түркиядағы Қазақстан мәдениет және сауда орталығы делегациясымен кездесті
Ғылым және жоғары білім министрі Саясат Нұрбек Астанаға арнайы іс-сапармен келген Түркиядағы Қазақстан мәдениет және сауда орталығы делегациясымен кездесу өткізді, - деп хабарлайды Alashainasy.kz ҚР Ғылым және жоғары білім министрлігінің телеграм арнасына сілтеме жасап.
Оған орталықтың төрағасы Ғанимет Қайсаұлы, төраға орынбасары Ержан Уәйіс, Ыстанбұл Айдын университеті қамқоршылар кеңесінің төрағасы және университеттер қауымдастығының төрағасы Сельман Арсланбаш және Edutolia-Education негізін қалаушы Ибрахим Албайрак қатысты.
Кездесу барысында Қазақстан мен Түркия арасындағы достық қарым-қатынас, білім және ғылым саласындағы ортақ жобаларды іске асыру, ынтымақтастық орнату мәселелері талқыланды.
Сондай-ақ, тараптар қазақстандық студенттерді Түркия елінде оқытудың мүмкіндіктері мен артықшылықтары, Түркия университеттерінің жәрмеңкесін Қазақстанның әр өңірлерінде өткізуді жоспарлау; Қазақстан мен Түркия университеттері арасында ынтымақтастық туралы келісімдер жасау және басқа да өзекті тақырыптар жөнінде пікір алмасты.
